Sunday, July 19, 2009

हिन्दी री हैवाई छोडो

हिन्दी री हैवाई छोडो

हिन्दी री हैवाई छोडो, भासा मायड़ बोलो रै।
परभासा रै भूतां नै दूधै रौ तेज दिखाद्यो रै।
भासा मायड़ बोलो रै, राजस्थानी बोलो रै।

छाछ लेवण नैं आई आ तो घर री धिराणी बणगी रै।
रोटी-रूजगार खोस्या इण तो दफ्तर्यां में छागी रै।
भासा मायड़ बोलो रै, राजस्थानी बोलो रै।

साठ बरसां सूं छाती पर मूंग दळ रैयी
संस्क्रति रौ करियो कबाड़ो रै।
इण रौ बाळण बाळौ रै, इण रै लांपौ लगाद्यो रै।
भासा मायड़ बोलो रै, राजस्थानी बोलो रै।

पांच परदेसां रै पांण आ तो रास्ट्रभासा बणगी रै।
जबरी पोल मचाई इण तो समझ नाथी रौ बाड़ो रै।
फरजी डिगर्यां ले-ले आया धाड़वीं, नौकर्यां कब्जाई रै।
इण रौ नखरो भांगौ रै, राजस्थानी बोलो रै, भासा मायड़ बोलो रै।

जद बाईस भासावां संविधान सीकारी, रास्ट्रभासा कुणसी रै ?
राजस्थानी री बळी लेय'र आ तो हुयगी राती-माती रै।
इण नैं थोड़ी छांगो रै, इण री कड़तू तोड़ो रै, राजस्थानी बोलो रै।

जागो ! छात्र-छत्रपती, खोल उणींदी आंखड़ल्यां।
देद्यो नाहर सी दकाळ रै, धरती धूतै,
आभौ गरजै, धूजै भारत री सरकार रै।
छांटा-छिड़कां सूं नीं बूझैला आ मान्यता री आग रै।
छात्र-छत्रपती जागो रै, भासा मायड़ बोलो रै।

छात्र-छत़्रपती जागो रै ! ओ लूंठा सेठां जागो रै !
ओ बीकां, जोधां, मेड़तियां, सेखावतियां, सिसोदियां, सिहागां जागो रै।
थै क्यूं लारे रेवौ ? गोदारां मीणा भील-पड़िहारां रै ।
जात-पांत रै टंटै नैं छोडो एकमेक सुर सूं भरो राजस्थानी हुंकारौ रै।
भासा मायड़ बोलो रै।

साठ बरसां सूं उडीक रैया कै भारत रा भाग्यविधाता टूठैला,
पण घोर खेंच सूती सरकार सत लेवण नैं अड़गी रै।
इण री घोर खोलण सारू बजावो राजस्थानी धूंसौ रै।
राजस्थानी बोलो रै, भासा मायड़ बोलो रै।
हिन्दी री हैवाई छोडो, भासा मायड़ बोलो रै।
-विनोद सारस्वत
email- rajasthanihello@gmail.com

12 comments:

  1. vinodji,
    aap ki kavita acchi hai lekin, hindi ke prati jo bhaw nazar aa raha hai usse meri ashmati hai. hindi to maa ka saman hai jisne har bhasha ke baccho ko apnaya hai, fir yah bhaw kyo?

    ReplyDelete
  2. VINOD JI AAPRI HINDI RI HEWAAI KAVITA WAA KAPUTAA RE GAAL MAATHE EK SAAGIDO JHAAPAD HAI. JIKA BAAT BAAT ME HINDI RI TAANG TODTAA REVE. HAKIKAT ME AAPAA LOG MAYAD BHASHA RAJASTHANI NE CHHOD*R HINDI NE MAATHE CHADHAALI HAI. MEH AAPRI BAAT SU SAHMAT HOON. RAJASTHANI ME EK KEBAT HAI KE BHAAI MARYE RO DHOKHO KONI, PAN BHOJAI RO NAKHRO BHAAGNO CHAAHIJE. SO IN HINDI RO NAKHRO BHAANGNO JARURI HAI. RAJASTHANI AAPAARI MAYAD BHASHA HAI. AA BAAT HAREK RAJASTHANI NE GAANTH BAANDH LEVENI CHAAHIJE. AR HINDI NE AAPRI OKAAT BATAA DENI CHAAHIJE. LOGAA RI IN HEWAI NE CHHODAVAN KHAATAR AAP ORU LIKHO. MAHNE AAS HAI KE AAP AAGLE ANK ME VISTAAR SU IN HINDI RI HAVA NIKALOLA. JAI RAJASTHANI. RAJU PAREEK, UGAANI, GUWAHATI. {ASSAM}

    ReplyDelete
  3. vinod ji, thann ghanman ramramsa. thanko likhyodo bhot chokho lagyo.aajra tabran dekhdekh man re mayne sharm aur reess aave,
    pher sochu aapra likhya lekh padhyan ki to aakal aaveli. aapri lekhni ne bhot bhot dhanyavad. mhe thanre ki kam aa sakun to bolijyo. enme me kai saro de sakun.

    ReplyDelete
  4. Kriti raana ji, baat ek dam khari kahi hai enhone... apni mansik gulami ko chhodo. Rajasthan kabhi bharat ka hissa nahi tha. 1947 me hamare rajao ki galti se india me vilay ho gaya iska.... hamari rashtrabhasa hamesha se rajasthani rahi hai.

    Hindi ko rajasthan ki rajbhasa banane ka hak kisne diya... kya iske liye jan-ganana karvayi gayi thi...

    ReplyDelete
  5. aapri kavita aa seekh deve ke hindi bolan me aaj aapaa ita baavlaa hu riya haa ke mayad bhasha ne bhoolgya. aap bataaye mate in raa naku todna bhangnaa padsi. aaj hindi ne aapre okaat bataavan ri jarurat hai. aap hindi ro baalan iyanis baaltaa revo. mahe aapre saathe haan. jai rajasthani. lalit rathore. bikaner 9829795341

    ReplyDelete
  6. Jako Rajya kadai Gulami kon kari, biro sanmaan
    1947 re pacch Hindi thop ar kee, Bharat sarkar.

    ReplyDelete
  7. Rajasthani Vata: Hukam Bharat me Rajasthan ro vilay ej Rajasthan re gulami ri sarupat hi... Eb chet chukya ho to chet javo sagala... bata devo dilli darbar ne ke aapa e aajada hava me aapni mayad bhasa ar mayad bhom re het me jivani chava ha... ar haa... rajasthan rajya ni ho 1947 su peli... O to Rajputana naam ro ek desh ho ar Marwar, Mewar sagala inra rajya ha

    ReplyDelete
  8. "Hindi ri heivaayi chhodo Bhasha Mayad Bolo re" Khoob Badhiya Likhi he, par maafi chahunga Hindi sab su uppar he, aapane hindi ro virodhi nahi banno he. Mahare hissab su yaa Kavita vana Rajasthani loga re liye he jo Rajasthani hova re baavjud bhi Hindi Bhasha ro upyog kar riya he.
    Aaapne bahoot bahoot Dhanywaad
    Lokesh Menaria

    ReplyDelete
  9. Shri Vinod Ji,
    हिन्दी री हैवाई छोडो, भासा मायड़ बोलो रै।
    Kavita bahoot badhiya likhi he. Par Maafi chahunga ki aapa loga ne Hindi ro Virodhi nahi veno chave,Hindi Bharat ri Rastriya bhasha he. Mahare hissab su yaa kavita un loga re liye bilkul sateek he jo log Rajasthani hova re baavjood bhi Hindi ro upyog kare he. Har Rajasthani ne Aapni Mayad Bhasha ro garvata su upyog karno chave.
    Bahoot Bahoot Badhaayi
    Lokesh Menaria

    ReplyDelete
  10. Lokeshji, in soch re karan ej aaj rajasthan khada me padiyodo hai.

    mafi ri koi baat koni, gulam mansikta sudhar sake to jarur sudhar lejo

    ReplyDelete
  11. bhaiji aagar aap hindi re jagiya angreji bolta ne to choko gano lagto mu mari mayad bhasa ro gano aadar karu pan rastra bhasa hindi ro apman pan kon kar saku thaki kavita gani choki hai pan hindi ro apman mati karo bhaiji

    ReplyDelete
  12. vinod ji me to Aaj tak koni samjio ki aapni mayad bhasa ne or kitrok sagharash karno padsi larla 60saal hogya aapa ne ladta haaltak Koi sarkar koni jagi me to keu abki bar aapa sab rajasthani log milar matdaan ro tyag karo la toij aapni aa sarkar ro ankhya khul si

    ReplyDelete